Dikt til Gammelhuset

Eit hus – og ein heim

I enden av  ein veg, står eit gamalt hus.

Gjennom grønt gras, går eit historisk sus.
Kviskrar i vårt øyre, og etterlet i lufta ein eim
av levd liv. Fortel oss om eit hus - og ein heim.

I mange år, tidens tann hadde særs gode kår.

Forfall tek over, når det er uvêr og vind som rår.
Den gamle stova var prega. Snart var det slut.
Og utan omsorg og stell, ville livet ebba ut.

Gammelhuset; du står der ved vegens ende.

Men di reise er ikkje over. Mykje skal enno hende.
Vi skal ta vare på deg. Sørge for at det i lufta ligg ein eim, 
av levd liv. Som fortel historia om eit hus – og ein heim. 

Kjell Rune